Plantun de Prouvènço

Pèr coumpara dos planto d'encò nostre

Minuartia capillacea & Viola canina

Minuartia capillacea

Caryophyllaceae

Noms en français : Minuartie à feuilles capillaires, Sabline capillaire.

Descripcioun :
Poulido lineto dóu gènre Minuartia que trachis sus li roucas de mountagno auto o mejano. Se recounèis à si gràndi flour, si fueio primo e redo e peréu qu'èi pegouso d'en pertout (cambo e flour glandoulouso). Fai pas de gròssi mato. Coumpara emé la lineto-di-fueio-de-mèle que ié sèmblo, mai que trachis sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 20(30) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 16 à 18 mm
Flourido : Printèms - Estiéu

Sòu : Ca
Autour basso e auto : 600 à 2200 m
Aparado : Noun
Jun à avoust

Liò : Roucas - Tepiero roucaiouso
Estànci : Subremediterran à Subaupen
Couroulougi : Ouroufito-Cèntre-Éuroupenco
Ref. sc. : Minuartia capillacea (All.) Graebn., 1918

Vióuleto-fèro

Viola canina

Violaceae

Autre noum : Palengo.

Noms en français : Violette des chiens, Pensée jaune.

Descripcioun :
La vióuleto-fèro o di-chin, que trachis dins li pelouso séusouso, èi pas uno di proun coumuno au nostre aleva dins lis Aup marino. Fai partido dóu group de vióuleto sènso rouseto emé de tijo qu'an de long entre-nous. Se recounèis tambèn à sis estipulo pulèu grando e dentado e à soun esperoun jaunas. Li petalo soun pas gaire acoulourido. La subsp. de Prouvènço ié dison ruppii emé soun soun esperoun que mounto.

Usanço :
Li flour de vióuleto soun manjadisso, li meiouro soun li mai perfumado, coume Viola odora o Viola suavis. Soun richo en vitamino C e A.